Google Chrome

Google Chrome არის სწრაფი, გამოსაყენებლად მარტივი და დაცული ვებ-ბრაუზერი. Android-ისთვის შექმნილი Chrome გთავაზობთ როგორც თქვენს ინტერესებზე მორგებულ ახალ ამბებს, ისე სწრაფ წვდომას რჩეულ საიტებზე, ჩამოტვირთვებზე და Google Search-ისა თუ Google Translate-ის ჩაშენებულ ფუნქციებზე. ჩამოტვირთეთ ის ახლავე და ისარგებლეთ Chrome ვებ-ბრაუზერის თქვენი საყვარელი ფუნქციებით ყველა მოწყობილობაზე.

სწრაფი დათვალიერება, ტექსტის ნაკლები აკრეფა. აირჩიეთ სხვადასხვა ვარიანტი ძიების პერსონალიზებული შედეგებიდან, რომლებიც მყისიერად გამოჩნდება ტექსტის აკრეფისას და სწრაფად დაათვალიერეთ ადრე მონახულებული ვებგვერდები. ავტომატური შევსება კი დაგეხმარებათ ფორმების სწრაფად შევსებაში.

ინკოგნიტო დათვალიერება. გამოიყენეთ ინკოგნიტო რეჟიმი და დაათვალიერეთ ინტერნეტი ისტორიის შენახვის გარეშე, თქვენი ნებისმიერი მოწყობილობიდან.

Chrome-ის სინქრონიზაცია მოწყობილობებს შორის. Chrome-ში შესვლისას მოხდება თქვენი სანიშნეების, პაროლებისა და პარამეტრების ავტომატური სინქრონიზაცია თქვენს ყველა მოწყობილობას შორის. შესაბამისად, გექნებათ დაუბრკოლებელი წვდომა თქვენს მთელ ინფორმაციაზე თქვენი ტელეფონიდან, ტაბლეტიდან ან ლეპტოპიდან.

რჩეულ კონტენტზე წვდომა ღილაკზე ერთი შეხებით. Chrome არ არის გათვლილი მხოლოდ Google Search-ის სწრაფ მუშაობაზე, არამედ შექმნილია იმგვარად, რომ რჩეულ კონტენტზე წვდომას ერთი შეხება გაშორებდეთ. რჩეულ სოციალურ ქსელებზე ან ახალი ამბების საიტებზე გადასვლა შესაძლებელია პირდაპირ ახალი ჩანართის გვერდიდან. გარდა ამისა, Chrome ვებგვერდების უმეტესობაზე გთავაზობთ ფუნქციას „შეეხეთ ძიებისთვის“. მისი მეშვეობით, ვებგვერდიდან გაუსვლელად, ერთი შეხებით შეძლებთ ნებისმიერი სიტყვის ან ფრაზის მოძიებას Google-ში.

ტელეფონის დაცვა Google Safe Browsing-ით. Chrome-ში ჩაშენებულია Google-ის Safe Browsing-ის ფუნქცია. ის იცავს თქვენს ტელეფონს სახიფათო საიტებზე გადასვლის ან სახიფათო ფაილების ჩამოტვირთვის შესახებ გაფრთხილების მეშვეობით.

სწრაფი ჩამოტვირთვა და ვებგვერდების/ვიდეოების ხაზგარეშე რეჟიმში ნახვა. Chrome აღჭურვილია ჩამოტვირთვის ინდივიდუალური ღილაკით, რომლის მეშვეობითაც ერთი შეხებით შეძლებთ ვიდეოების, სურათების და მთლიანი ვებგვერდების ჩამოტვირთვას. გარდა ამისა, Chrome გთავაზობთ ჩამოტვირთული კონტენტის სპეციალურ გვერდს, საიდანაც მასზე წვდომას შეძლებთ ხაზგარეშე რეჟიმშიც კი.

Google-ის ხმოვანი ძიება. Chrome არის ვებ-ბრაუზერი, რომელსაც შეგიძლიათ ესაუბროთ. იპოვეთ სასურველი პასუხები უკონტაქტო რეჟიმში, თქვენი ხმის მეშვეობით და ტექსტის აკრეფის საჭიროების გარეშე. ხმის მეშვეობით ვების სწრაფად დათვალიერება და ნავიგაცია კი შესაძლებელია ნებისმიერ დროს, ნებისმიერი ადგილიდან.

ჩაშენებული Google Translate: ვებგვერდების სწრაფი თარგმნა. Chrome-ში ჩაშენებულია Google Translate, რომელიც საშუალებას გაძლევთ, ღილაკზე ერთი შეხებით მთლიანად თარგმნოთ ესა თუ ის ვებგვერდი სასურველ ენაზე.

გონიერი, პერსონალური რეკომენდაციები. Chrome გთავაზობთ თქვენს ინტერესებზე მორგებულ ფუნქციებს. ახალი ჩანართის გვერდზე იხილავთ სტატიებს, რომლებსაც Chrome შეარჩევს თქვენი დათვალიერების ისტორიის საფუძველზე.