eBook 정보
આ શિક્ષાપત્રીની આજ્ઞાઓનું સમગ્રપણે પાલન થાય તો જીવનું કલ્યાણ થઈ જાય. સર્વશાસ્ત્રોના સારરૂપ આ શિક્ષાપત્રી મનોવાંછિત ફળ આપનારી છે. એ શિક્ષાપત્રી જીવનમાં વણાઈ જાય તે હેતુથી સાવ-સરળ ભાષાના બોધાત્મક સૂત્રો ‘શિક્ષાસૂત્ર’ દ્વારા મૂકવાનો આ નવીન પ્રયત્ન છે.
ભગવાન શ્રી સ્વામિનારાયણે મોક્ષને માર્ગે પાપાપગલી માંડનાર સામાન્ય મુમુક્ષુથી માંડી સમર્થ સંતોને ઉદ્ભવેલ અધ્યાત્મ સંબંધી પ્રશ્નો-જિજ્ઞાસાઓને સંપૂર્ણપણે તૃપ્ત કરવા દયાએ કરીને જે ગોઠવણ કરી તે વચનામૃત. મુમુક્ષુ માત્રને આજના ધમાલિયા, અલ્પાયુવાળા જીવનમાં ઉપયોગી થઈ શકે એ હેતુથી શ્રીહરિની પરાવાણીરૂપ વચનામૃતની પ્રશ્નોતરીના ૧૦૮ મણકાની માળા ઉપરાંત પૂર્ણ પુરુષોત્તમ નારાયણના જીવન અને સિદ્ધાંતોને માણી શકાય એવા હેતુથી ‘શ્રીહરિ ચરિત્ર’નું મુદ્દાસર આલેખન પણ આ પુસ્તિકામાં કરવામાં આવ્યું છે.
પ. પૂ. ગુરુવર્ય મહંત શ્રી દેવકૃષ્ણદાસજી સ્વામીની અનુજ્ઞાથી સાધુ પ્રભુચરણદાસજી સ્વામી તથા શ્રી સુરેશભાઈ ભટ્ટે સંકલિત કરેલ ત્રિવિધ સંકલનવાળી આ પુસ્તિકા સંસ્થા દ્વારા સંચાલિત સત્સંગ મંડળો અને બાળકોને તથા જીવનના પાયાના સંસ્કાર આપવા ઈચ્છુક તમામ સત્સંગ પ્રેમીઓને આ પુસ્તિકા વિશેષ ઉપયોગી બની રહે એ અપેક્ષા સહ.
