Kantelpunt

Sophia Kapp het in Durban grootgeword en het as enigste kind vroeg geleer dat boeke baie goeie geselskap kan wees. Sy het ná haar universiteitsopleiding in Bloemfontein as ’n Afrikaans-dosent begin werk, maar intussen was sy al alles, van ’n barrista tot ’n persoonlike assistant tot ’n boekhouer in ’n bank. Sy skryf oor die liefde, tussen die held en die heldin, natuurlik, maar ook liefde tussen ouers en kinders, susters, vriendinne. En oor al die ander aspekte wat ook deel is van liefdesverhoudings – onsekerheid, hartseer, verlies, verraad, egskeiding, vertroue, vervulling, geborgenheid. Daardeur wil sy vrouekarakters skep wat vir moderne Afrikaanse lesers geloofwaardig is, mense met loopbane, geskiedenisse, issues, giftige vorige verhouding... Vroue wat binne ’n geloofwaardige storie liefde saam met ’n geloofwaardige held vind. Sophia het drie ATKV-Woordveertjies vir liefdesromans ontvang en sy het ook al ’n paar Romanzas by LAPA Uitgewers gepubliseer. Wanneer sy nie stories skryf nie, is sy die taaladviseur vir die Virtuele Instituut vir Afrikaans (VivA), die ma van ’n student en die ounooi van twee bedorwe honde.

Daneel het 'n honneursgraad in Teater en Toneel van UCT. Met meer as 10 jaar ondervinding in die teaterbedryf speel sy in verskillende toneelstukke en musiekblyspele, waaronder Big Girl and The Rocky Horror Show. Nie net is Daneel 'n akteur nie, maar ook 'n veelsydige sanger, jazz en blues haar gunsteling genres. Onlangs brei sy haar repertoire uit in die kommersiële bedryf waar Daneel as stemkunstenaar vir verskeie internasionale reeks gewerk het. Tans is sy ook besig met 'n nuwe reeks vir 'n Afrikaanse kanaal, VIA.