Најдобрите игри за 2024 година

Нашите најпопуларни игри годинава ни ја покажаа важноста на заедницата и на тоа што може да го постигнеме кога се соединуваме преку играње. Без разлика дали правевме тимови за да победиме џиновски босови или се натпреварувавме на забавни терени со препреки и огромни мапи, уживавме во часови забава навлезени во други светови. Еве ги најдобрите игри на Google Play за 2024 година.

AFK Journey многу нѐ изненади во почетните минути, прикажувајќи одлични визуелни елементи и фантастичен свет преполн со возбудливи нешта за истражување. Играјте како Magister Merlin, кој страда од амнезија, а ќе ве води Hammie, вашиот жесток пријател 'рчко; земјата Esperia смета на вашата многу потребна помош.

За среќа, задачата не е само ваша. Најголемиот квалитет на AFK Journey е во опширниот состав на ликови и стратешкиот систем на борби што го наградува трудот ‒ во коишто може да се ужива како автоматска битка или со темпирани потези. Приказната е преполна со богати преданија и мистерии за откривање и очигледно е дека се посветени големо внимание и детали во создавањето на светов.

Со неверојатна анимација, одлични гласови и фасцинантен свет, изборот за „Најдобра игра за 2024 година“ беше очигледен: не можевме да се наиграме AFK Journey.

Ретко гледаме игри со толкава долговечност и виталност како Clash of Clans, којашто сѐ уште може да се пофали со активна и енергична база на корисници над деценија по објавувањето. Но, Supercell не одмораат, туку импресивно и неуморно се трудат да ја оптимизираат Clash of Clans на повеќе уреди, поради што е очигледен избор за наша „Најдобра игра за повеќе уреди“ за годинава.

Без разлика дали сакате максимално да го искористите играњето на преклопувачки уред, таблет, Chromebook, телефон, па дури и Google Play Games на компјутер, Clash of Clans овозможува сјајно корисничко доживување, целосно оптимизирано за изведба и стабилност. Уживате во уништувањето на противниците? Играјте непречено на повеќе уреди и уживајте во беспрекорното тактичко играње на различни платформи и фактори на форма.